Fræðsla - nokkur atriði sem gott er að kunna skil á

Hvað er þetta forecheck sem ég heyri þjálfarana og leikmennina tala stundum um spurði einn félagi mig um daginn. Það var til þess að ég ákvað að skrifa nokkrar línur til þess að reyna að varpa á það og nokkur önnur atriði ljósi.

Eitt helsta leikatriði þegar lið leika varnarleik er pressa eða á ensku (checking) í þessu felst tilraun til þess að taka pökkinn af andstæðingnum eða pressa hann út úr spilinu. Hér á íslandi nota leikmenn og þeir sem eru í kringum leikinn ensku orðin því að það vantar góð íslensk orð fyrir þessa taktík. Þannig er talað um forechecking þegar leikmenn pressa andstæðingana frammi eða inni í varnarsvæði andstæðingana, og svo tala menn um backchecking þegar andstæðingurinn er með pökkinn á leið inn í varnarsvæði leikmanna og sóknarmennirnir pressa á þá aftanfrá.  Svo er líka talað um kylfu pressu en á ensku eru til 3 hugtök sem við sameinum í þetta eina þ.e. (stick checking, sweep checking, og poke checking).  

Svo eru það ákeyrslurnar (Body checking) Ein af megin reglum í hokkí er að leikmaður sá sem er að leika pekkinum er það sem kallað er „Fair Game“ það þýðir að andstæðingar hans mega keyra á hann en að sjálfsögðu verða þær tæklingar að vera löglegar og skýrar reglur eru um hvað má og hvað ekki. Það má ekki stinga út olnboganum eða beita fyrir sig kylfunni svo eitthvað sé nefnt.
Einnig er mikilvægt að vita að leikmaður telst enn vera með pökkinn þar til að samherji eða andstæðingur hefur tekið við honum, þannig getur leikmaður ekki komið sér úr tæklinga hættu bara með því að losa sig við pokkinn einhvernvegin, hann telst enn vera með hann þar til annar leikmaður leikur honum. 
Út af þessari reglu eru ákeyrslur í hokkí oft ansi gasalegar.  Mönnum rennur oft smávegis í skap við þessar ákeyrslur og sumir eru með styttri þráð en aðrir.

Lið sem hefur lennt undir í leik reynir stundum að ná yfirhöndinni með því að taka út úr leiknum markmann sinn og setja inn auka leikman til þess að reyna að ná yfirhöndinni og freista þess að jafna leikinn. Slíkt getur verið mjög hættulegt því ef að liðið sem leikur með einum færri útileikmönnum á auðvellt með að skora á tómt markið ef það nær valdi á pekkinum.

Biðdómur er þegar leikmaður þess liðs sem ekki hefur pökkinn á sínu valdi brýtur af sér. Þá liftir dómari leiksins hægri hendi til merkis um að það sé komin dómur en hann leyfir leiknum að halda áfram þar til að liðið sem hefur brotið af sér nær pekkinum. Þetta er gert til þess að leikmenn geti ekki stöðvað leikinn sér í hag með því að brjóta af sér. Þegar biðdómur er komin á má iðulega sjá undir iljarnar á markmanninum þar sem hann skautar á fullri ferð út af, og þannig kemur liðið einum auka manni í sóknina. Þetta getur liðið gert því um leið og þeir brotlegu ná valdi á pekkinum stöðvar dómarinn leikinn. Þannig getur brotlega liðið ekki skorað þegar biðdómur er í gangi.

Eins og í mörgum öðrum hópíþróttum er baráttan oft um yfirráðin á miðjunni eða í hlutlausa svæðinu eins og við hokkímenn köllum það, en hlutlausa svæðið er miðjusvæðið á milli bláu rangstöðulínanna.  Þarna hefjast bæði sóknaraðgerðir þegar menn reyna að komast inn í varnarsvæði andstæðinganna og með sama hætti hefjast þarna varnaraðgerðir þegar liðið reynir að verja bláu línuna sína og hindra það að liðið í sókn komist inn fyrir línuna. Þannig reyna varnarmennirnir að stýra eða pressa andstæðingana út í kantinn þar sem að hættan af þeim er minni.

Meira síðar…

 

VG 

Þetta er klárt.... Peter verður með fyrir Playoffs

Þá er það klárt. Peter Forsberg ætlar að klára málið í dag, mánudag, og ætlar að klára ferilinn með Colorado Avalanche. Þessi 33 ára gamli sænski hokkí snillingur ætlar að öllum líkindum að segja þetta gott í NHL eftir þetta tímabil sökum þrálátra ökklameiðsla.

það er alveg ljóst að Peter verður mikil lyftistöng fyrir Colorado sem ekki hefur átt sjö dagana sæla og er núna í 10 sæti Vestur-deildarinnar.  Vonir eru bundnar við að hann komi Colorado inní Playoffs áður en það veður um seinan. 

Annar sænskur leikmaður hefur einnig verið á milli tananna á bandarískum fjölmiðlum og það er Mats Sundin, fyrirliði Toronto Maple Leafs, en þar ytra telja menn að honum verði skipt í annað lið þar sem Toronto á ekki möguleika á að komast Playoffs.  Hann er án efa einn besti leikmaður Toronto ásamt Nicolai Andropof sem er Íslenskum landsliðsmönnum kunnur síðan að Nicolai var fyrirliði landsliðs Kasakstan þegar þeir völtuðu yfir Íslendinga 63 - 0.

Gamli og góðir Toronto aðdáendur vilja reyndar ekki heyrt á það minnst að það eigi að skipta á Mats Sundin fyrir Toronto þar sem hann hefur verið þar síðastliðin 14 ár og allar líkur eru á að hann endi sinn NHL feril þar.  Þetta kemur hinsvegar allt í ljós þann 26.febrúar, á morgun, og verða næstu klukkutímar ansi spennandi því að ekki er ólíklegt að margir leikmenn muni ganga kaupum og sölum svona rétt fyrir "trade-deadline".

Evgeni Malkin steig úr skugga Sidney Crosby

Þegar Sidney Crosby meiddist illa þann 18.janúar gafst hinum unga Evegni Malkin gott tækifæri til að láta ljós sitt skína. Þegar það var ljóst að meiðsli Sidney væru ekki minniháttar var leitað til Evegni sem næsta leiðtoga á ísnum. Hann hefur ekki brugðist liði sínu þar sem hann hefur sannarlega látið ljós sitt skína þar sem han leiðir NHL deildina í dag í stigum með 35 mörk og 47 stoðsendingar. Honum er stillt upp á móti Alexander "The Great" Ovechkin sem er fast á hæla Evgeni að stigum.  Þeir Evgeni og Alexander hafa verið liðsfélagar í Rússnenska landsliðinu og hafa verið nánast óstöðvandi saman.

Aðdáendur Pittsburg Penguins hafa verið að bíða spenntir eftir endurkomu Sydney Crosby inn í deildina.  Það er að vænta á næstudögum segja NHL-spekingar.

Hvað sagði Stína um leikinn!

Einn af allra mestu áhugamönnum um íshokkí er Stína Jóhanns sem um þessar mundir vinnur doktorsritgerðina sína í Kanada, miðdepli alheimsins í íshokkí. Stína lét sig hafa það að horfa á leikinn milli Bjarnarins og SA á netinu og geri aðrir betur.  Hún hafði hitt og þetta að segja um leikinn. Við bíðum enn eftir að hún bjóði sig fram í ristjórnina hérna hjá okkur :)

HH

 

Ólíklegt að Forsberg snúi aftur á þessu tímabili

Svíinn knái Peter Forsberg hefur átt við ökklameiðsli að stríða síðan snemma á síðasta leiktímabili og hefur ekki, þrátt fyrir nokkrar aðgerðir, náð sér að fullu.  Eftir aðeins eina æfingu með sænska landsliðinu útilokaði hann endurkomu þetta árið.  Mörg lið í NHL hafa beðið spennt eftir því að hann snúi aftir til að fá hann í lið með sér á skipti-samining, frá liði hans Nashville Predators, áður en lokunardagurinn rennur upp sem er 26.febrúar.  Hann hefur hinsvegar látið það eftir sér í sænskum fjölmiðlum að það sé ekki útilokað að hann reyni að snúa aftur í NHL deildina fyrir lokunardag.

Fréttinn á vef Alþjóðasambandsins 

Peter Forsberg á NHL.com 

Hokkímenn dagsins

Um næstkomandi helgi fer fram á Akureyri mót í 5 - 7 flokki. Um 140 keppendur taka þátt. Af þessu tilefni setjum við inn mynd af flottum hokkímönnum frá því á síðasta móti, sem haldið var í Laugardalnum. Þessir tveir kappar sátu í "stúkunni" (upp á battanum sem umlykur völlinn) og horfðu á félaga sína spila. Myndina tók Ómar Þór Edvardsson.

HH

Meira af Gretzky

Eins og kom hérna fram í athugasemdakerfinu þá hafði fréttin um að Gretzky væri að skipta um lið mikil áhrif og þótti að sjálfsögðu stórfrétt í íshokkíheiminum. Sem dæmi má nefna að í dagblaðinu Edmonton Star var forsíðan tileinkuð málinu og fyrirsögnin var "99 tár" og undir var mynd af aðdáanda liðsins með tárin í augunum. Það sem vakti ekki minni athygli á forsíðunni var texti undir myndinni en þar stóð: "Nánar er fjallað um málið á blaðsíðu 2, 3, 4, 5, 6, 10, 11, 18, 19, 23, 30, 36, 37, 38, 39, 40, 41, 42, 43, 46, 47."

Fallandi borgarstjórnarmeirihluti í Reykjavík fær ekki einu sinni svona margar síður

Sögustund: Jari Pekka Kurri (fin)

Líklega er engin finnskur íshokkíleikmaður jafn frægur og Jari Pekka Kurri. Hann hóf að leika sem atvinnumaður með heimaliði sínu Jokerit í finnsku atvinnudeildinni sem að nefnist SM-liiga.

Kurri lék þrjú tímabil með Jokerit. Eftir þriðja tímabilið var hann komin á samning hjá NHL liðinu Edmonton Oilers.  Þegar að Kurri fór að leika með Oilers war hann fljótlega paraður með annarri goðsögn úr hokkíheiminum sjálfum Wayne Gretzky, Þetta par lét mikið að sér kveða en þó kannski sérstaklega eftir að annar finni Esa Tikkanen bættist við í línuna árið 1986.

Þetta tríó varð heimsþekkt undir nafninu finnska samlokan "The Finnish Sandwich" og nafngiftin kom til að vegna þess að kantarnir í kringum Gretzky voru finnskir Kurri og Tikkanen. Fljótlega eftir að Kurri kom til liðs við Edmonton Oilers fékk hann viðurnefnið finnska flassið "Finnish Flash" Síðar hefur annar yngri finni einnig verið uppnefndur finnska flassið sjálfur Teemu Selänne.

Margir vildu meina að Jari Kurri væri sá fjölhæfasti af þeim því hann væri jafn sterkur fram og aftur. Ár eftir ár var hann álitinn einn af allra bestu afturliggjandi sóknarmönnum NHL deildarinnar.

Með Kurri hjá Oilers liðinu spiluðu margir frábærir leikmenn, áður eru nefndir Tikkanen og Gretzky, en ekki má gleyma leikmönnum eins og Paul Coffey, Grant Fuhr og Mark Messier svo einhverjir séu nefndir. Þetta lið Edmonton Oilers vann svo Stanley bikarinn 4 sinnum.

Frægt er að 1988 var Gretsky seldur til Los Angeles Kings. Jari Kurri átti það ár líklega eitt sitt besta tímabil. Þar sem hann var með 195 stig í 154 leikjum. Síðasta Stanley bikarinn sinn vann hann líka með Edmonton árið 1990. Alls vann hann þennan eftirsótta tiltil 5 sinnum, öll skiptin með Edmonton Oilers. Síðar lék hann með liðum eins og LA Kings, New York Rangers, og fleirum.

Jari Kurri lauk ferli sínum í NHL deildinni sem sá leikmaður fæddur í Evrópu sem lang flest stig hefur hlotið. Með samtals 601 mark og 797 stoðsendingar eða 1398 stig. Þessu til viðbótar skoraði hann 106 mörk í úrslitakeppni og var með 233 stig samtals eingöngu í úrslitakeppni NHL. Í sögunni eru einungis 2 menn sem gerðu fleiri stig í úrslitakeppni NHL, þeir Wayne Gretzky og Mark Messier.

Jari Kurri er einnig fyrsti finnski leikmaðurinn sem komst inn í Hockey Hall of Fame. Treyja Jari Kurri númer 17 hefur verið lögð til hliðar bæði hjá Edmonton Oilers, Finnska landsliðinu og gamla félaginu Jokerit verður ekki borin af öðrum leikmanni.

Á Ólympíuleikunum í Nagano léku félagarnir Kurri og Gretzky hvor á móti öðrum í síðasta sinn þegar Kanada og Finnland mættust í úrslitaleik um brons verðlaun. Finnar máttu sín ekki mikils á móti stjörnum príddu liðið Kanadamanna. En með seiglunni tókst þeim að vinna leikinn 3-2 og vinna brons. Jari Kurri skoraði fyrsta mark leiksins og var þetta mark hans, það síðasta á afar glæsilegum ferli.

Jari Kurri starfar nú sem framkvæmdastjóri Finnska landsliðsins með sér áherslu á aðstoð við þjálfara og að finna efnilega unga finnska leikmenn.

VG 

Slóð dagsins - Rick Nash

Rick Nash er 23 ára Kanadamaður sem er öllum þeim sem fylgjast með hokkí vel kunnugur. Á síðasta HM sem haldið var í Moskvu var hann valinn MVP en einsog hokkímenn vita unnu Kanadamenn úrslitaleikinn gegn Finnum. Að sjálfsögðu er hann með sína eigin heimasíðu en við munum seinna fá lærða grein um kappann. Hérna er sýnishorn af snilli kappans. Kappinn fór í boxið og á meðan náðu andstæðingarnir, sem voru frá Phoneix að jafna. Stuttu seinna kvittaði Nash fyrir brottreksturinn. 

 

 

 HH

Sögustund: Wayne Gretzky

Flestir íshokkíáhugamenn hafa heyrt minnst á Wayne Gretzky en hann er þekktastur fyrir að vera besti íshokkíleikmaður allra tíma.  Um hann hefur mikið verið skrifað enda kemst enginn annar íshokkíleikmaður með  tærnar þar sem hann hefur hælana, ekki aðeins hvað varðar hæfileika á ísnum heldur einnig hvað varðar almenna frægð og vinsældir.  Lítið sem ekkert hefur þó verið skrifað um kappann á íslensku og hér verður því gerð tilraun til að bæta úr því.
 
Gretzky spilaði 20 tímabil í NHL deildinni með samtals fjórum liðum; Edmonton, Los Angeles, St Louis og New York.  Yfirburðir hans á ísnum voru slíkir að hans verður minnst í sögubókum framtíðarinnar.  Gretzky vann Stanley bikarinn fjórum sinnum og Kanada bikarinn (canada cup) þrisvar sinnum, en á þessum árum var Canada bikarinn eina mótið sem NHL gaf leikmönnum sínum frí frá deild til að taka þátt í móti og var því lengi vel talið eina mótið sem virkilega gat skorið úr um hvaða þjóð átti besta hokkílið í heimi.  Á Olympíleikum og Heimsmeistaramótum kepptu þá aðeins þeir atvinnumenn sem voru í fríi frá sínum deildum.

Gretzky náði þeim einstaka árangri á sínum ferli að hirða flest met deildarinnar s.s. markahæsti og stoðsendingahæsti leikmaður deildarinnar frá upphafi, bæði í deildarkeppni og úrslitum.  Á ferlinum var hann 10 sinnum stigahæsti leikmaður deildarinnar, 9 sinnum var hann valinn besti leikmaður deildarinnar og til glöggvunar á yfirburðum hans hlaut hann þann titil 8 ár í röð þ.m.t. fyrsta tímabilið hans í deildinni, hann var tvisvar sinnum valinn besti leikmaður úrslitakeppninnar, 5 sinnum var hann valinn prúðasti leikmaður deildarinnar, 18 sinnum spilaði hann í NHL stjörnuleiknum (ALL-STAR) og af þeim 18 skiptum var hann þrisvar sinnum valinn besti maður leiksins.
Hann á næstum því öll met sem sóknarmaður getur sett í NHL.  Fyrir utan að vera bæði marka og stoðsendingahæsti leikmaður NHL frá upphafi þá var hann t.a.m. með að meðaltali 192 stig á hverju tímabili í sjö ár.  Hann hefur skorað flest mörk allra á einu tímabili eða 92, (100 mörk með úrslitakeppni, einnig met) flest stig í einni úrslitakeppni eða samtals 47 og einnig á hann metið fyrir flest stig á einu tímabili eða alls 215 stig.  Alls er met hans í NHL 61 talsins.
 
Sem frekari vitnisburð um áhrif Gretzky á íshokkí þá má nefna hve víðtæk áhrif félagaskipti hans höfðu á íþróttina.  Hann hóf feril sinn hjá Edmonton Oilers í Kanada árið 1979 og vann m.a. alla Stanley bikarana hjá þeim en árið 1988 fór hann suður fyrir landamærin og gekk til liðs við LA Kings í hinni sólríku Kalíforniu Bandaríkjanna.  Þetta þótti á sínum tíma ein allra merkilegustu félagaskiptin í íþróttaheiminum og peningaupphæðirnar sem skiptu um hendur voru áður óþekktar við slíka gjörninga.  Sagan segir að þetta haust hafi algerlega breyst landslagið í bandarísku hokkí.  Fyrir þennan viðburð hafði hokkí í raun aldrei náð raunverulegum hæðum á meðal íþróttaáhugamanna og t.a.m. var höllin venjulega aðeins að hluta til setin áhorfendum á heimaleikjum.  Skömmu eftir komu Gretzky í bæinn var LA Kings fyrst allra liða til að selja hvert einasta sæti í höllinni á hverjum einasta hokkíleik allt tímabilið.
 
Í framhaldi af þessu tók hokkí að breiðast út með undraverðum hraða um suðurríki Bandaríkjanna þar sem sólin skín hátt og himni og fram að þessu hafði fólk varla leitt hugann að hokkí.  Hokkíáhuginn breiddist hratt út og fljótlega eftir 1990 var íþróttin orðin ein sú vinsælasta í Kaliforníu, Flórida, Georgíu, Norður-Karólínu, Tennessee og Texas - eitthvað sem engum hafði órað fyrir. 
 
Gretsky spilaði í 8 tímabil í borg englanna og eftir stutt stopp hjá St. Louis Blues lauk hann ferlinum í stóra eplinu, New York með þremur tímabilum.  Þegar hann loks hengdi upp skautana hélt hann blaðamannafund og það vill svo til að akkúrat á þeirri stundu var íslenska landsliðið í íshokkí að keppa í fyrsta skiptið á heimsmeistaramóti í S-Afríku.  Blaðamannafundurinn var sýndur í sjónvarpinu þar sem öll liðin dvöldu í meðan á keppninni stóð og það var frekar athyglisverð upplifun að horfa á stóran matsal af illvígum hokkíleikmönnum héðan og þaðan úr veröldinni horfa á skjáinn með tárin í augunum þegar konungurinn sjálfur kvaddi sportið.
 
Síðasta tímabilið hans var það eina sem hann fór undir 1 stig að meðaltali í leik en þá var hann með 62 stig í 70 leikjum.... og ef einhverjum þykir það lítið þá er rétt að taka það fram að hann var stigahæstur í Rangers þetta tímabilið sem og hin tímabilin tvö sem hann spilaði þar og ávallt var hann með fæstu mínúturnar í refsiboxinu.
 
Skömmu eftir að hann hætti að spila var hann heiðraður með því að skyrtunúmer hans, #99 hefur verið friðað um ókomin ár, en öll lið NHL tóku sig saman um að aldrei skyldi annar leikmaður í NHL spila í treyju nr. 99 - slíkt hefur aldrei verið gert áður og verður að öllum líkindum aldrei gert  aftur.
 
SigSig